بن بلا/بن باالله: بن بلا/ بن باالله، الجزائر جو مشهور سياستدان ٿي گذريو آهي. هن 25 ڊسمبر 1918ع تي ميگهنيا (الجزائر) ۾ جنم ورتو. هيءَ جوانيءَ ۾ ٻي مهاڀاري لڙائيءَ دوران مراڪش جي ڇهين رجمنٽ ۾ وارنٽ آفيسر مقرر ٿيو. 1949ع کان 1952ع تائين باغيانه سرگرمين جي ڪري جيل موڪليو ويو. 1953ع کان 1956ع تائين لبيا ۾ رهائش دوران هن الجزائر جي تحريڪ آزاديءَ جي رهنمائي ڪئي. کيس 1956ع ۾ گرفتار ڪيو ويو. 1959ع ۾ هن کي فرانس موڪليو ويو. 18 مارچ 1962ع ۾ آزاد ٿيو ته تيونس هليو ويو. 1962ع ۾ الجزائر جي آزاديءَ بعد ملڪ جو وزيراعظم بڻايو ويو. سيپٽمبر 1963ع ۾ صدر منتخب ٿيو. هن جي ڪئبنيٽ ۾ سندس سمورا وفادار ساٿي، يوسف بن خده، ڪرنل تياتي، محمد خضر، آيت احد ۽ ٻيا شامل هئا. 19 جون 1965ع جي رات ڪرنل حَوارِي بومدين سندس حڪومت جو تختو اونڌو ڪري حڪومت جون واڳون سنڀالي ورتيون ۽ بن باالله کي گرفتار ڪيو ويو، جتان کيس 1979ع ۾ آزاد ڪيو ويو.
1918.12.25 عيسوي
بن بلا/ بن باالله 25 ڊسمبر 1918ع تي ميگهنيا ( الجزائر ) ۾ جنم ورتو